أرسل سؤالك
ابحث في الخدمة التفاعلية  
 
خدمة الإجابة على الأسئلة الشرعية » الأسرة والمجتمع » مشكلة اجتماعية

(0) (4) حفظ بصيغة txt حفظ بصيغة Word حفظ بصيغة Pdf (239)
عدد المشاهدات:  3308

09/05/1435 03:25:44 م

  مشكلة اجتماعية
 

انا متزوجة من شهرين من زوج متعلم ومهندس وانا كمان متعلمه تعليم عالى .. احنا الاتنين من اصل ريفى ..وعايشين فى قرية .. هنا الناس ممكن الابن يتزوج فى بين اهله فى شقة فوق منزل اهله كل ابن يبقى ليه دور ومش بيشترط انه يجيب شقه خاصه بيه والناس بتتهاون شوية فى الموضوع ده .. المشكلة انى من يوم ما اتخطبت ولقيت اهله عندهم حب سيطره على كل حاجه بيحبوا هما اللى يقولوا وهما اللى يتكلموا وهما اللى يتحكموا فى كل شئ  ووالدة زوجى كانت واحنا مخطوبين كانت بتعاملنى معاملة غريبة كانت ترن على خطيبى اللى مش بشوفه غير كل اسبوع مرتين وتقوله يروح كل اسبوع ترن فى ميعاد معين عشان يروح وبيتعامله معاه على انه طفل المفروض يسمع كلامهم وهما اللى بيمسكوا المصاريف وهما اللى بيجهزوا شقة الزوجيه وبيدخلوا فى كل حاجه فى ذوق الشقه وفى تمنها وفى كل حاجه وزوجى كان كل ده عادى بالنسبه له كان يقولى بكبر باهلى وهما بيساعدونى وكان بيسكت ... اخته افترت عليا قبل فرحى بيومين وقالت انى شتمتها وانا ما شتمتهاش وهو صدقها ولما جيت اقوله انت ما سمعتش منى رفض حتى يسمع وقالى انا سمعت من اختى واختى ما بتكدبش ... ووالده كان حاضر الموقف وعلى الرغم من انه متأكد انى ما شتمتش بنته الا انه وقف معاه وقال برده انى شتمتها .. وخلونى اروح اعتذر عن حاجه معملتهاش .. وبعد الجواز جيت اتكلم مع جوزى وافهمه انه ما ينفعش يسمع لاهله فى كل حاجه مفيش انى ما شتمش اخته مفيش ... يسكتنى بكلمتين حلوين ويقولى ما انا عارف هو انا لو عارف انك شتمتيها كنت اتجوزتك ؟ ومع ذلك برده ما جابليش حقى لا من اهله ولا من اخته ولا من والده .. وظروف شغله انه بيشتغل فى مكان بعيد عن البيت ف بيجى كل اسبوع يوم ونص .. حاولت اقوله انه مقتدر ماديا ومرتبه يسمح اننا نأجر شقه جنب شغله ونعيش فيها مع بعض ,, برده نفس الاسلوب يكدب عليا ويقولى ماشى وهو مش فى دماغه وخايف من اهله لانهم عمرهم ما هيقبلوا وهو عمره ما هيعصالهم كلمه ... على اللرغم من ان اهله مقتدرين ماديا وصحيا ومش محتاجين حد يخدمهم والاتنين عايشين .. لكنه سايبنى ليهم يتحكموا فيا وفى حياتى وكل اسبوع اشتكيله من اللى بيعملوه فيا ومعاملتهم معايا وهو يتعامل مع الموضوع بسلبيه ولا مبالاه واذا مره راح يتكلم معاهم ويقولهم بتعملوا كده ليه ؟ يروح مزعقينله ومهزأينه يروح متراجع تانى او يدخلوله من حتة انى كدابه وكل ده ما حصلش واحنا اهلك هتكدبنا وتصدقها دى وحشه وبتضحك عليك ... واحنا بعد ما ربيناك وصرفنا عليك وساعدناك فى الجواز تعمل فينا كده ؟ دى بتمشى عليك  ده انت مش راجل ؟؟ وكلام مستفز يقوموه عليا بيه ... انا مش قادره افهمه انه انا مسئوله منه وانه مش لازم يسمع لاهله فى كل حاجه وانه لازم يجيبلى حقى من اهله لما يظلمونى ......... وحاجه تانية ... انا بقعد لوحدى طول الاسبوع انا فى الدور الرابع وهما فى الاول فى نفس البيت .. عايزنى انزل كل يوم اكل واشرب معاهم واطبخلهم غدا وعشا واقعد اونسهم ... انا مش عايزه ده انا عايزه ابقى فى بيتى بكرامتى كافيه خيرى شرى وابص عليهم من وقت للتانى من غير لا اكل ولا شرب ... فهل ده مش من حقى ؟؟؟؟ ..... وفى موقف حصل عايزه اعرف اذا كنت غلطانه فيه او مذنبه ؟..... اهل جوزى عايزنى اكل واشرب معاهم كل يوم انا وجوزى مع العلم انى بشوف جوزى غير يوم ونص كل اسبوع ... ونص اليوم ده بياكل وينام عشان بيبقى راجع تعبان من السفر ... اهله بيستعطفوه انه ازاى ما ياكولش معاهم يوم فى الاسبوع وان ده حرام عليه ؟؟ ومره اسبوع من الاسابيع كنت بنزل وباكل واشرب واطبخ غدا وعشان واغسل اطباق طول الاسبوع وجه جوزى اخر الاسبوع والدته قالتله انزل عشان تتغدى معانا ف انا قلتله لا انا مش هنزل انا معاهم طول الاسبوع والاسبوع اللى فات واللى قبله واللى قبله كنت بنزل انا وانت وانا زهقت من كده وعايزه اكل فى بيتى واحس انى اتجوزت ... فلما نزل لوحده اهله بهدلوه وقالوله انت مش راجل ومش بتمشى عليه وانى قليلة الادب ولو محترمه كنت سمعت كلام جوزى لما يقولى انزلى انزل .. فطلع جوزى طردنى من البيت بسبب كده وقالى انتى صغرتينى قدام اهلى ؟؟؟ هل ده حقيقى ؟؟ هل ده من حقه او من حق اهله اللى عملوه معايا؟؟؟؟ ....... هل من حقه يجبرنى اكل معاهم بالعافيه؟؟؟ او اخدمهم بالعافيه؟؟؟؟ اخر حاجه .... من 3 اسابيع حصل ان جوزى بطلب منه يجيبلنا اكل من عند والدته الاكل ده كان حاجات اهلى انا جايبنهالى اسمها (السبوع) بتاع العريس والعروسه ... والدته اخدت الاكل والحاجه دى وزعتها على اخته واخوه وعلى نفسها وما اديتنيش حاجه منها ... عشان مش عايزانى يبقى عندى اكل فوق عشان ما اطبخش فوق وانزل اطبخ تحت واكل معاهم تحت انا وجوزى ... واديت اخواته عشان مسافرين فى الخارج ومش قاعدين معاها ... لما فهمته ان ده حقنا وحاجتنا والحاجه دى كانت كتير كانت ممكن حتى تتقسم علينا كلنا .. كان رد فعله انه خايف يقولهم على حاجه احسن يفتكروه هيتعزل منهم ويحصل مشكله فرد فعله استفزنى وسلبيته استفزتنى غصب عنى زقيت حاجات كانت قدامى كسرتها .... راح ضربنى وكلم ابوه وابويا وفضحنى قدامهم وجابهم فرجهم على الحاجه اللى كسرتها وبعدين طردنى من البيت 3 اسابيع عند اهلى ما بيسألش عنى ولا بيصرف عليا ولا اهله بيسألوا .... وبعتلى رساله يطالبنى فيها انى اعتذرله وانى غلطت فى حقه واهنت كرامته كراجل وصغرته قدام اهله .... انا مش عارفه اعمل ايه ولا اعيش ازاى مع عالم زى دى ؟؟ واهلى ناس مش بتوع مشاكل عايزنى اعيش وخلاص عشان الناس ما تشمتش فيهم  ف اعيش اى عيشه وخلاص .... ومعلش اخر سؤال ... هو يجوز لزوجى انه يدى لاهله مفتاح شقتى بحجة لو حصل ظرف ؟؟ ولما اطلب منه يحافظ على خصوصية بيتنا يرفض ؟؟ ويجوز ان اهله يدخله بيتى وانا مش موجوده ويشوفوا عندى اكل ايه وبيتى نظيف ولا لا؟  يجوز انهم يعرفوا كل حاجه عن حياتنا ولو اشتريت حاجه يجوز لحماتى تسألنى ايه معاكى فى الكيس ؟؟ شكرا انا منتظره الرد فى اسرع وقت .. واسفه انى طولت ..

 
الشيخ الدكتور محمد بن عبدالعزيز الخضير

12/05/1435 06:26:24 ص

ÊÇÑíÎ ÇáÊÓÌíá:  
 

الحمد لله وحده والصلاة والسلام على من لا نبي بعده ، وبعد ..
لا ينبغي حصول مثل هذه الأمور بينك وبين زوجك وأهله فالمؤمنون إخوة ويجب عليهم التآلف والتواد ، ويحرم إضرار بعضهم ببعض وإيذاء بعضهم لبعض فالمسلم أخو المسلم لا يظلمه ولا يخذله ولا يحقره ، فحاولي التصالح معهم وإذابة الخلافات . فإن استقامت الحال فحسن وإن استمر الشقاق ووقع عليك ظلم وضرر فيجب على زوجك أن يوفر لك سكنا مستقلا دفعا للضرر عنك .
والله تعالى أعلم وصلى الله على نبينا محمد وعلى آله وصحبه أجمعين.

 


مختارات من كل الأقسام
المزيد ...
مختارات من قسم الأسرة والمجتمع
المزيد ...